Espazo Lectura nos centros de ensino do Val Miñor

O pasado mércores 28 de marzo Espazo Lectura ofreceulles unha mañá de actividades aos centros de ensino do Val Miñor que son socios-protectores e que colaboran ao longo de todo ano na difusión das actividades de fomento da lectura que organiza a asociación. Na proposta, que contou co apoio da Concellería de Cultura do Concello de Gondomar, participaron 350 nenos e nenas de sete centros de ensino da comarca.

Ao longo da mañá, organizados en diferentes quendas e horarios, os escolares asistiron a dous espectáculos relacionados coa animación á lectura. No auditorio Lois Tobío representouse a obra O rapto da bibliotecaria, a cargo do grupo da Escola Municipal de Teatro do Concello de Vigo. Despois, sistiron a unha sesión de contacontos, realizada na Biblioteca Municipal polo equipo de contadores de Espazo Lectura. A sesión, que terá como título Cociña de contos, inclúe as historias de Sopa de nada, A sopa queimae Sopa de soños.

Deixa un comentario

O teu enderezo electrónico non se publicará Os campos obrigatorios están marcados con *