Recomendamos publicado por

A Mediateka de Bilbao, unha nova concepción bibliotecaria

A Mediateka de Bilbao, unha nova concepción bibliotecaria

Durante a viaxe a Bilbao do mes de outubro para expoñer o proxecto de Espazo Lectura nas xornadas Pequeños lectores, grandes mundos, fomos convidados a visitar a nova Mediateka da Alhóndiga de Bilbao, que ao día seguinte se inauguraba e abría ao público. A Mediateka de Bilbao é todo un exemplo do que debe ser unha biblioteca que, desde unha concepción moderna e pensada para o usuario, integra o seu servizo documental desde unha oferta multisoporte (libros, vídeos, cedés, xornais, revistas, internet, laboratorio de idiomas, etc), apoiándose nas novas tecnoloxías e no emprego funcional dos espazos.

A Mediateka, cun amplísimo horario de apertura (de 10 da mañá a 22 horas da noite os días de semana e de 11 da mañá a 21 horas da noite os sábados, domingos e festivos), e pensada para todos os públicos, conta cunha superficie de 4.000 metros cadrados repartidos en tres plantas. Trátase dun novo xeito de entender a biblioteca, o ocio e a cultura, ao servizo da cidadanía.

Desde Espazo Lectura convidamos ás distintas administracións galegas a seguir o exemplo das inciativas que se levan a cabo noutros lugares. A continuación reproducimos unha serie de fotografías que tivemos ocasión de sacar na nosa visita, guiada pola directora da Mediateka, Alasne Martín.

Facebook Twitter Digg Email

You must be logged in to post a comment.

WP Twitter Auto Publish Powered By : XYZScripts.com