A Portada publicado por

As formigas invaden o Lendo Contigo

As formigas invaden o Lendo Contigo

Este sábado 31 de xaneiro, celébrase a sesión mensual do club de lectura compartida Lendo Contigo. A lectura que lemos nesta ocasión é Formigas. Misión París, o primeiro volume da serie “Formigas” creada polo escritor Pere Tobaruela e o ilustrador Andrés Meixide e publicada por Edicións Xerais.

FORMOS4, FORX4N, FORNEL4 e FORM4IL son os catro integrantes dos FORMIG4S, unha brigada especial que vai ata calquera recuncho do mundo para esclarecer os casos máis enigmáticos e complicados. “Misión París”, leva os FORMIG4S á capital de Francia. O caso empeza no cemiterio Père Lachaise. Alí hai unha escena do crime sen cadáver. A vixilante do enorme e labiríntico cemiterio parisiense asegura que viu como uns homes sinistros dispararan a unha rapaza e esta desapareceu!

A actividade comeza ás 12:00 horas na Biblioteca de Gondomar e contará coa presenza do autor Pere Tobaruela.

Na sesión do mes pasado recibimos a visita de Jacobo Fernández Serrano, que nos viu falar das aventuras de Marcopola, estas son as imaxes dese día.

Facebook Twitter Digg Email

Espazo Lectura

WP Twitter Auto Publish Powered By : XYZScripts.com