Actividades publicado por

Así foi a Semana do Libro e a Lectura 2011

Así foi a Semana do Libro e a Lectura 2011

A programación especial organizada por Espazo Lectura en colaboración co Concello de Gondomar con motivo da Semana do Libro e a Lectura comezaba o martes 26 de maio coa sesión especial do club de cómic Lecturas Debuxadas dedicado á lectura de O burato do inferno. Durante a primeira parte da actividade, as persoas que asistiron puideron falar sobre as súas impresións tras a lectura desta novela gráfica. A partir das 21.00 horas, os autores do cómic, José Manuel e Ramón Trigo, achegáronse á Biblioteca de Gondomar para compartir opinións cos lectores e lectoras da obra.

O mércores 27 foi o momento dos nenos e nenas que se achegaron á Casa da Lectura para ver a obra de teatro de monicreques Perico, o cangrexo a cargo de Titirimaña. Unha obra de treatro baseada na obra homónima de Amparo Gómez Cuerpo publicada por Ir Indo.

O xoves 28 tocoulle a quenda á ilustración como un elemento fundamental da edición de libros. O ilustrador Fausto Isorna impartiu un obradoiro para nenos e nenas a partir de 6 anos co mítico personaxe Golfiño como protagonista.

O venres 29 celebrouse o IV Dar de ler coma quen dá de beber, o acto central da Semana do Libro no cal a lectura de textos en voz alta se converteu en protagonista. Máis de trinta persoas leron fragmentos de libros escollidos por elas mesmas diante do público que ateigou a xamonería Catro Camiños, o lugar escollido por segundo ano para celebrar este evento.

A programación especial rematou o sábado 30 con dobre sesión, unha infantil e outra para público adulto:

  • Pola mañá, a sesión do club de lectura compartida Lendo Contigo encheuse de música e poesía coa palabra da poeta Marica Campo acompañada do músico Tino Baz. Foi unha sesión máxica que engaiolou os nenos: os versos e contos de Marica Campo atraparon a todos os aistentes e Tino Baz conseguiu que todos cantasen con el cancións que non escoitaran nunca. Tamén foi un acto no que os nenos e nenas compartiron os seus tesouros máis prezados.

  • Para pechar a programación da Semana, Espazo Lectura organizou para a noite do sábado as primeiras Noites Golfas na Casa da Lectura: sesións nocturnas para público adulto nun espazo que ata o de agora só acolleu programación infantil. O acto escollido para inaugurar este ciclo foi o espectáculo poético presentado por Lucía Aldao e María Lado A Hostia en Verso: un combate poético onde dous equipos de poetas pelexan por gañarse ao público que debe votar polos poemas que máis lle gunten. Nesta ocasión combatían os poetas mafiosos contra os poetas corruptos, ou o que é o mesmo: Xavier Xardón, Lara do Ar, Elvira Ribeiro e Eduardo Estévez contra Miguel Valverde, Ledicia Costas, Fran Alonso e Daniel Landesa.


Velaquí todas as fotos da semana:

E mais as do IV Dar de ler:

Facebook Twitter Digg Email

Espazo Lectura