A Portada publicado por

Celebramos o Día das Persoas con Discapacidade, na Casa da Lectura

Celebramos o Día das Persoas con Discapacidade, na Casa da Lectura

Este mércores 29 de novembro, na sesión de dinamización lectora da Casa da Lectura, celebraremos unha sesión especial con motivo do Día Internacional das Persoas con Discapacidade que se celebra o 3 de decembro.
Para iso, contaremos coa presenza de varios membros de APAMP (Asociación de Familias de Persoas con Parálise Cerebral), que nos van contar o conto Elisa no mundo das marabillas.

Elisa no mundo das marabillas é un conto ilustrado por persoas con parálise cerebral. Por esta razón este libro é moito máis que un álbum ilustrado, pois nace da ilusión e do entusiasmo do Obradoiro Artístico de APAMP (Asociación de Familias de Persoas con Parálise Cerebral) e que un día decidiron escribir, e ilustrar, coas súas propias mans, cos seus propios corazóns, este libro protagonizado por Elisa, unha muller alegre, soñadora, de mirada intensa e cabelos castaños. Era moi fermosa, pero ela non o sabía. Elisa movíase nunca cadeira de rodas e tiña parálise cerebral…

A cita, coma sempre é ás 18:00 horas, e desde media hora antes aténdese o servizo de préstamo bibliotecario.

O mércores pasado, ao abrigo da Casa da Lectura desfrutamos dunha sesión de contos entrañable, na que Dolo tirou do fío e contounos “O fío” e “Ire”. Logo convidounos a construír un peixe reciclando un CD. Estas son as fotos dese día:

Casa da Lectura, 2017/11/22

Facebook Twitter Digg Email
1

Espazo Lectura