Outras actividades publicado por

Espazo Lectura prepara as xornadas "Lendo en familia" que se van celebrar no mes de outubro

Espazo Lectura prepara as xornadas "Lendo en familia" que se van celebrar no mes de outubro

A familia é o primeiro espazo onde os nenos e nenas poden entrar en contacto co libro e a lectura, polo que resulta fundamental que as nais e pais tomen conciencia do seu papel como mediadores entre os seus fillos e a lectura e que asuman con ilusión ese labor de aprendizaxe compartida. Espazo Lectura é consciente de que a formación e o intercambio de experiencias son importantes para que as nais e pais se sintan seguros e acompañados nese camiño.

As xornadas Lendo en familia, que se celebrarán en Gondomar no mes de outubro e destinadas fundamentalmente a nais e pais, queren ser un paso máis nese esforzo por compartir lecturas:

  • para aprender a contar contos e a ler cos nosos fillos e fillas
  • para reflexionar sobre a importancia da lectura na súa formación
  • para coñecer o que se está a publicar en literatura infantil e xuvenil
  • para divertirse e aprender trucos e para coñecer as ferramentas que poden axudarnos a gozar dese proceso…

Dentro do programa inclúense conferencias e obradoiros a cargo de Concha Costas (presidenta de Espazo Lectura), Cristina Novoa (asesora de bibliotecas escolares da Consellería de Educación), Paula Carballeira (escritora, contadora e actriz), Dolores Vilavedra (profesora da Universidade de Santiago), María do Cebreiro (escritora) ou Agustín Fernández Paz (escritor).

Facebook Twitter Digg Email

1 Comment

  • EStou desexando que empecen esas xornadas ,xa que vai a ser un honor estar con tantas persoas interesantes. Adiante Contomar! Saúdos dende Bibliobelesar.

WP Twitter Auto Publish Powered By : XYZScripts.com