A Portada publicado por

Na Casa da Lectura probaremos a mellor sopa do mundo

Na Casa da Lectura probaremos a mellor sopa do mundo

Inspirados polas delicias culinarias d’O coelliño branco e d’A mellor sopa do mundo, o próximo mércores, 18 de novembro, na sesión de dinamización lectora da Casa da Lectura, prepararemos e degustaremos unha deliciosa sopa de froitas: a mellor sopa da Casa da Lectura. A cita é ás 18:00 horas e media hora antes atenderemos o servizo de préstamo bibliotecario.

Na sesión da semana pasada viaxamos desde a Casa da Lectura ata o deserto do Kalahari acompañando a un suricato. Aprendemos moito pero tamén nos decatamos de que aínda que é moi bo viaxar, a casa é onde mellor se está. E unha vez de volta na Casa da Lectura decidimos imitar a este suricato que enviaba unha postal á casa dende cada sitio que visitaba. Así que cada un dos 29 nenos e nenas que alí estaban fixo unha postal para enviala maiormente ás súas propias casas. Agora toca esperar polo carteiro. Que emoción! Estas son algunhas imaxes dese día.

Facebook Twitter Digg Email

Espazo Lectura