A Portada publicado por

«O ano da lebre», de Paasilinna, no club de lectura Sete Vidas de xaneiro

«O ano da lebre», de Paasilinna, no club de lectura Sete Vidas de xaneiro
Este xoves 10 de xaneiro terá lugar a primeira sesión do ano 2019 do club de lectura Sete Vidas. Reunirémonos ás 20:00 no café Keik de Gondomar para falar da novela “O ano da lebre”, do autor finlandés Arto Paasilinna, publicada por Rinoceronte.
Falecido recentemente, Paasilinna é considerado un autor de culto no seu país. Esta é a segunda vez que pasa polo Sete Vidas, onde xa lemos “O bosque dos raposos aforcados”.
O pasado 13 de decembro o Sete Vidas reuniuse en Libraida para falar de “O meu nome é Ninguén”, a última novela de Manuel Esteban. Esta obra recupera ao inspector Carlos Manso, protagonista de “A ira dos Mansos” e arquetipo do antiheroe, e lévao á procura de respostas ao asasinato do seu irmán coa cidade de Vigo como pano de fondo. Ao tempo que descobre que o seu irmán investigaba unha rede de pederastia atoparase con personaxes que tentarán frustrar a súa investigación, pero tamén con heroes que, coma el, andan á procura da verdade.
Os asistentes estivemos de acordo en que se tratou dunha lectura entretida, e destacouse moito o seu tratamento da síndrome de Down, pola maneira normalizadora e cariñosa de achegalo.
Na segunda parte da sesión contamos coa presenza do autor. con quen tivemos unha conversa moi interesante e que lle deu unha nova dimensión á nosa lectura.

Sete Vidas 13/12/18

Facebook Twitter Digg Email

Espazo Lectura

WP Twitter Auto Publish Powered By : XYZScripts.com