A Portada publicado por

O autor e ilustrador Xosé Tomás estará no Lecturas Debuxadas para falar da súa obra “Nómades”

O autor e ilustrador Xosé Tomás estará no Lecturas Debuxadas para falar da súa obra “Nómades”

O martes 21 de abril, ás 20:00 horas, celebramos a sesión mensual do Club Lecturas Debuxadas, na que comentaremos Nómades, de Xosé Tomás. Contaremos coa presenza do autor a partir das nove da noite para comentar con el a súa obra.

Na sesión de marzo, o día 17, xuntámonos para cambiar impresións e comentar “Don Quijote”, do autor alemán Flix, editado por Dib>Buks. Coa inspiración ou guía da obra de Cervantes, Flix conta unha historia de persoas e lugares, da trabada do progreso no rural e a da idade na mente do seu Alonso Quijano. Non nos costou nada desta vez pornos de acordo sobre o moito que nos gustara, o ben que enlaza co Quixote, a chea de detalles e guiños á obra e a outros autores…Un traballo no que se ve un cariño inmenso na descrición e tratamento das personaxes, da historia e da novela da que colle título e inspiración. O debuxo de Flix, sinxelo e fácil, pero moi expresivo, dálle a esta BD o toque final para considerala unha grande obra, que nos chega despois de ser publicada en entregas semanais no periódico alemán Frankfurter Algemeinen Zeitung. Estas son as imaxes dese día.

Facebook Twitter Digg Email

Espazo Lectura