O sábado 26, nova cita do Lendo Contigo

O club de lectura compartida Lendo Contigo ten a súa cita do mes de xaneiro o sábado 26 a partir das 12:00 horas na Biblioteca Municipal de Gondomar.
Nesta ocasión, os libros recomendados foron Ota quere voar e Viaxe de ida e volta, da autoraÁnxela Loureiro, que estará na sesión para falar cos nenos e nenas que decidan participar na actividade.

No mes de decembro, celebramos os cinco anos do Lendo Contigo xunto cos escritores Fina Casalderrey e Francisco Castro. Nesta galería de imaxes pódese ver un resumo do que aconteceu ese día.