A Portada publicado por

O Sete Vidas despide tempada cun clásico da narrativa grega

O Sete Vidas despide tempada cun clásico da narrativa grega

O martes 7 de xuño remata a tempada do club de lectura Sete vidas cunha historia arrepiante, “só ao alcance dos espíritos lectores máis curtidos”, como os dos seareiros e seareiras deste club. Trátase do clásico da narrativa grega A asasina, de Alexandros Papadiamandis.

Contaremos coa presenza dunha das tradutoras, Susana Losada, pero imos alterar a orde habitual da nosa sesión para facilitar que a súa volta á casa non se atrase demasiado. Así, teremos o encontro con Susana Losada ás 20:00 h na Biblioteca Municipal de Gondomar.

Velaí algúns enlaces á crítica literaria:

http://bouvard.blogaliza.org/2013/05/28/historia-arrepiante/

http://armandorequeixo.blogaliza.org/2013/04/15/a-infanticida/

O 3 de maio celebramos a sesión do Sete Vidas dedicada a comentar co autor Álex Alonso o seu libro Tempos de bebidas isotónicas e fast-food. Fixemos un repaso de practicamente todos os relatos do libro, trinta en total, dos máis divertidos e dos máis acedos e duros.
Aproveitamos tamén para falar de Xénero imperfecto, do mesmo autor, novela premiada no VI Certame de Relatos de Muller Matilde Bares do concello de Bueu, e que tivemos oportunidade de ler por xentileza da directora do Centro de Interpretación da Muller do dito concello, quen nos agasallou con dez exemplares do libro.

Facebook Twitter Digg Email

Espazo Lectura