A Portada publicado por

O Sete Vidas viaxa a Australia este xoves

O Sete Vidas viaxa a Australia este xoves

O xoves 4 de febreiro o Sete Vidas viaxará a Australia co libro de relatos O canguro alcohólico de Kenneth Cook, editado por Rinoceronte (tradución de Moisés Barcia).
Será ás 20:00 h por videoconferencia.
O autor lévanos a percorrer o interior do deserto australiano da man de cans de tamaño descomunal, canguros adictos á cervexa e pilotos que se desmaian ao ver animais, nunha serie de relatos delirantes cheos de humor e retranca.

w_kenneth-cook_exoudap
AVT_Kenneth-Cook_1685

 

 

 

 

 

 

 

Se queredes participar, e non formades parte do grupo de Whatsapp do Sete Vidas, podedes enviar un email a espazolectura@gmail.com ata o mércores 3 de febreiro ás 18:00h. Unhas horas antes da sesión recibiredes o enlace para unirvos.
 
O Sete Vidas comezou o 2021 o pasado xoves con Morrerei outro día, de Isabelle Alonso (tradución de Isabel Soto e Xabier Ron), editado por Hugin e Munin.
A sesión foi online.
Morrerei outro día é unha lectura estupenda, que vos recomendamos. A autora, nada en Francia de pais españois exiliados trala Guerra Civil, é moi coñecida alí na súa faceta de escritora e de activista feminista. Sorprendeunos moito descubrir que, pese a ter escritos varios libros sobre a república, a guerra e o exilio, é practicamente imposible atopar nada traducido ao castelán.
A novela narra a historia de Ángel Alcalá, dende a súa nacenza na década dos 20 ata a fin da guerra civil, dentro dunha familia de ideas liberais e republicanas. Pasa da alegría e esperanza da república á guerra, á que se incorpora voluntario sendo adolescente, e que remata coa súa fuxida cara a Francia. É unha novela que toma partido, pero ao mesmo tempo reflicte moi ben esta época, sen esconder as sombras, pois se basea nos recordos do pai da autora.

Facebook Twitter Digg Email

Espazo Lectura

WP Twitter Auto Publish Powered By : XYZScripts.com