A Portada publicado por

Os chíos e os versos das aves, este mércores na Casa da Lectura

Os chíos e os versos das aves, este mércores na Casa da Lectura

Este mércores pola tarde, os paxaros entrarán polas ventás da Casa da Lectura, na sesión de animación semanal, agachados nas páxinas dos libros, e poderemos escoitar os seus chíos, ver os seus niños e gozar cos seus versos. O merlo, o cuco, a garza, o paporroibo… falarannos baixiño á orella e contarannos algún conto sobre as súas vidas. Precisamente, os paxaros son libres e fermosos coma os libros e por esa razón, na sesión deste mércores da Casa da Lectura, xuntarémolos para desfrutar dos seus voos, descubrir os seus cantos e, escoitar as súas historias e se cadra, solidarizarnos con eles.

A sesión comeza ás 18:00 horas e, media hora antes, aténdese o servizo de préstamo bibliotecario.

A semana pasada tivemos unha sesión de ratos e gatos. Lemos os contos de Griselda e O gato tragón e fixemos un estupendo colgadoiro para pomos de portas coa ratiña protagonista do primeiro dos contos. Estas son as imaxes dese día.

Facebook Twitter Digg Email

Espazo Lectura