A Portada publicado por

Os pequenos son os protagonistas na Casa da Lectura

Os pequenos son os protagonistas na Casa da Lectura

Este mércores, 25 de marzo, na sesión de dinamización lectora da Casa da Lectura saudaremos aos “pequeniños” (con Que tal, pequeniño?) e coñeceremos ao máis pequerrechiño dos nenos a ritmo de Garavanciño. A actividade comeza ás 18:00 horas, para nenos e nenas a partir dos 3 anos.

Na sesión do mércores pasado, 18 crianzas sucumbiron aos encantos de Xoán Li e Bieifúm. Comezou Xoán Li contádonos como escriben os chineses e como noutros países tamén escriben de xeito distinto: armenios, xeorxianos, coreanos, gregos, árabes… Tamén vimos utensilios que se utilizan para escribir, distintos aos nosos, e diferentes libros. Logo aprendemos un pouco de chinés. E díxonos que as grafías representaban ideogramas. A continuación con Bieifúm asistimos a O nacemento do dragón. Xa para rematar cada neno pintou un dragón e, como se nos foi o tempo voando, levaron un marcapáxinas para facer na casa. Estas son as imaxes dese día.

Facebook Twitter Digg Email

Espazo Lectura