Primeiro encontro de Contos en Cueiros da tempada

O venres 25 de novembro comezan as sesións con bebés de Contos en Cueiros, a actividade de Espazo Lectura que busca achegar os libros e a lectura aos bebés de ata 3 anos. A sesión, que será a primeira do curso con bebés, combinará a narración de contos co movemento e a exploración sensorial. A cita será ás 18:00 horas na Biblioteca Municipal de Gondomar.

Criterios de inscrición

Contamos cun aforo limitado a 25 bebés acompañados de 1 adulto. Os criterios de inscrición son os seguintes:

– Terán prioridade os fillos/as de socios e socias de Espazo Lectura, por orde de inscrición.

– Para inscribirse cómpre enviar un correo a contosencueiros@gmail.com e facilitar:

– o nome do bebé
– o ano denacemento: nenos/as de 0 a 3 anos nacidos en 2014 ou despois
– o nome da persoa adulta que o vai acompañar
– un teléfono de contacto (para avisar en caso de quedar en lista de espera)
– en caso de ser socios/as, o nome do socio/a

– Todas as persoas que se inscriban deben esperar un correo de confirmación para saber se finalmente teñen praza. Ese correo enviarase o día en que remata o prazo de inscrición: MÉRCORES anterior á sesión ás 12:00 h do mediodía.