Casa da Lectura publicado por

¿Que casa é? A casa na que se le

¿Que casa é? A casa na que se le

Hoxe é un día de celebración para Espazo Lectura. A Casa da Lectura abre as súas portas logo dun intenso e desinteresado traballo que debemos agradecerlle á moitas persoas que colaboraron coa asociación nos traballos de acondicionamento. Hoxe ábrese a Casa da Lectura e durante o acto de inauguración preséntase, ademais, Os ollos do Contomar, un libro máxico para a comunidade que participa nas actividades da asociación e outro proxecto ao que lle dedicamos moito tempo e esforzo.
A presidenta de Espazo Lectura, Concha Costas; a directora do CEIP Souto-Donas, Carmen Mora; o alcalde de Gondomar, Antonio Araúxo; a contacontos e actriz Paula Carballeira (unha das autoras do libro), e o escritor e profesor da Universidade de Vigo Gonzalo Navaza interveñen no acto. Logo, Espazo Lectura ofrecerá un viño galego e uns pinchos a todas e todos os asistentes.
Abaixo queda a crónica fotográfica do proceso de acondicionamento e transformación da vella escola infantil de Donas nunha Casa da Lectura. Logo, a cita de Cándido Pazo que, pensada para o libro, se converteu no emblema da Casa da Lectura.

Adiviña, adiviña…
Unha casa que ten mil portas que se abren a mil camiños que dan a mil cruceiros
polos que se vai a mil mundos nos que hai mil tempos para ser mil persoas distintas
e poder vivir mil vidas dentro de mil casas que caben nunha casa…
Que casa é?
A casa na que se le.

CÁNDIDO PAZÓ

Facebook Twitter Digg Email

Espazo Lectura