A Portada publicado por

Seres mínimos, na Casa da Lectura

Seres mínimos, na Casa da Lectura

Hai seres tan pequeniños, tan minúsculos que poderiamos dicir que son seres mínimos. Uns pásannos desapercibidos, como “Pulguiña”, e outros case non pesan nada, como a “Señorita Pluma”. Este mércores, 28 de febreiro, na Casa da Lectura imos tentar descubrir os seus agochos e tamén se é certo que algúns poden mesmo voar.
A sesión comeza ás 18:00h e desde as 17:30 aténdese o servizo de préstamo bibliotecario.

O mércores pasado celebramos unha sesión de urxencia porque a contadora que nos ía acompañar ese día tivo un imprevisto e non puido acudir. Decidimos facer unha presentación de novidades e homenaxear ao Contomar, facendo unha sesión de contacontos tradicional.
Contamos tres contos: “Montros na escuridade”, de Sushi Bokks, na voz de Xoán; “O cociñeiro Martiño e as cenorias desaparecidas”, de Xerais, na voz de Beti; e “Tomás”, de Kalandraka, na voz de Eva.
Logo, Xoán fixo unha presentación da nosa páxina web para dála a coñecer mellor entre os nosos usuarios.
Grazas aos 27 nenos e nenas que nos acompañaron coas súas familias e grazas a todo o equipo que a fixo posible! Estas son as fotos dese día.

Casa da Lectura, 2018/02/21

Facebook Twitter Digg Email

Espazo Lectura