Socios protectores

Ademais dos socios ordinarios, que son fundamentais para o fortalecemento da asociación, os estatutos de Espazo Lectura contemplan a posibilidade de nomear socios/as protectores/as que serían, segundo a súa definición estatutaria «aquelas persoas físicas ou xurídicas que, a xuízo da Xunta Directiva, contribúan materialmente e de forma notable ao sostemento  da asociación».

Na Asemblea Xeral Ordinaria do día 24 de xaneiro de 2009 foron aprobados os primeiros/as socios/as protectores/as e desde entón o número foi medrando e fóronse incorporando novas entidades como socios protectores.

Espazo Lectura agradécelle a todos os socios protectores o seu apoio e contribución ao desenvolvemento do seu proxecto lector, así como ao Concello de Gondomar a liña de colaboración regular que mantén na programación da asociación.