A Portada publicado por

Un conto de outono para espertar os sentidos, no Contos en Cueiros de novembro

Un conto de outono para espertar os sentidos, no Contos en Cueiros de novembro

Estamos de cheo no outono e na sesión de Contos en Cueiros deste venres, 30 de novembro, aproveitaremos elementos desta estación para experimentar cos nosos sentidos. Farémolo a través da posta en escena do conto “Oso busca un lugar onde durmir”. A actividade comeza ás 18:00 horas na Casa da Lectura e precisa inscrición previa.

Criterios de inscrición

Contamos cun aforo limitado a 15 bebés acompañados de 1 persoa adulta. Os criterios de inscrición son os seguintes:

– Terán prioridade os fillos/as de socios e socias de Espazo Lectura, por orde de inscrición.

– Para inscribirse cómpre enviar un correo a contosencueiros@gmail.com e facilitar:

– o nome do bebé
– o ano denacemento: nenos/as de 0 a 3 anos nacidos en 2016 ou despois
– o nome da persoa adulta que o vai acompañar
– un teléfono de contacto (para avisar en caso de quedar en lista de espera)
– en caso de ser socios/as, o nome do socio/a

– Todas as persoas que se inscriban deben esperar un correo de confirmación para saber se finalmente teñen praza. Ese correo enviarase o día en que remata o prazo de inscrición, o MARTES anterior á sesión.

No mes de outubro inauguramos a tempada 2018-2019 con contos e música. Estas son as imaxes dese día.

CONTOS EN CUEIROS, 2018/10/26

Facebook Twitter Digg Email

Espazo Lectura

WP Twitter Auto Publish Powered By : XYZScripts.com