A Portada publicado por

Unha novela de Manuel Janeiro para estrear 2016 no club de lectura Sete Vidas

Unha novela de Manuel Janeiro para estrear 2016 no club de lectura Sete Vidas

O día 12 de xaneiro arranca o novo ano para o club de lectura Sete Vidas, que dedica a súa sesión mensual a comentar a novela O sexo masculino dos anxos, do noso veciño Manuel Janeiro (nado en Madrid, namorado de Vigo e do Val Miñor nos veráns da infancia que pasou en Panxón, e residindo hoxe en Peitieiros). Ademais de escritor, Janeiro é deseñador gráfico e fundador, xunto con Francisco Mantecón, do primeiro estudio de deseño gráfico de Galicia a finais dos setenta e é responsable de máis de 3.000 cubertas de libros de editoriais como Galaxia, Gredos, ou institucións como o Consello da Cultura Galega ou a Real Academia Galega.

A cita será na Biblioteca de Gondomar ás 20:00 horas.

o-sexo-masculino-dos-anxos11

No mes de decembro contamos coa presenza de Fran P. Lorenzo que comentou con nós a súa novela Cabalos e lobos. Lorenzo foinos desvelando as razóns da súa escrita: a necesidade de explicarse Vigo, paradigma de Galicia; a necesidade de contar as historias que forman parte da súa familia; a elección do edificio Albo, escenario-protagonista da novela, proxecto e realidade frustrada, como emblema e metáfora da cidade que puido ter sido; cómo habitamos os espazos e cómo os espazos nos habitan; o asentamento dos alemáns na cidade; a necesidade de contar e contextualizar a relación amorosa homosexual que aparece na novela; o descubrimento da Privada Moderna, un espazo insólito ignorado no centro da cidade; e moitas máis cousas…

Facebook Twitter Digg Email

Espazo Lectura