O sábado 15 de novembro, ás 19:30 h, na Escola de Guillufe, Morgadáns, terá lugar terá a entrega do VIII Certame de Poesía Victoriano Taibo-Entidade Local de Morgadáns.
Música, teatro e poesía tecerán este acto cultural onde a gañadora, Lara Rozados Lorenzo, recibirá o premio consistente en 3000 € en efectivo, unha escultura creada para este certame polo artista Fino Lorenzo e a publicación do libro O caderno amarelo, que se presentará neste acto. O acto, organizado polo Instituto de Estudos Miñoranos, será conducido pola escritora Rexina Vega.
