Este sábado 7 de xuño, ás 12:00h, na Biblioteca de Gondomar, os 35 nenos e nenas de 0 a 3 anos que se inscribiron previamente, xunto coas súas familias, participarán nunha gorentosa sesión de Contos en Cueiros para despedir a tempada 2013-14.
Asisitiremos á dramatización do conto Unha eiruga moi larpeira de Eric Carle, na que os bebés van experimentar unha chea de sensacións. Durante esta sesión, tamén despediremos o primeiro grupo de nenos e nenas de Contos en Cueiros que xa cumpriron ou van cumprir 3 anos e que, polo tanto, comezan xa unha nova etapa lectora.
A programación de Contos en Cueiros reanudarase no outono.
